فار المدينة الحلقة 1
الحلقة الأولى من سلسلة فار المدينة، للكاتب اسلام علام، ورسم فنان الكاريكتير أسامة علي.
فار المدينة: هاي.. ممكن نتعرف؟
أنا فار جربان، عايش فى العربخانه.. هتلاقينى في المجاري ووسط البلاوي.. طالع عيني ليل نهار.. لا ليا شهادة ميلاد ولا وفاة.. بتخاف مني الستات وحتى الرجاله اللي بشنبات.. ومعرفش وحياتك ليه!.
آخر الليل بهرب من البلاعة اللي عايش فيها لأني بكره ريحة “اللبن والعسل”.. فربنا بلاني بعائله مليانه مراهقين ومراهقات طول الليل شغالين ضرب في الحمام.
مع كل خروجه بشوف أعجوبه في شوارع المدينة.. براقب عمايل ولاد آدم وبنات حوا
عجيبه البشر ديا، كل واحد فاكر نفسه ناصح وبيخم، وهو مخموم من ورا ولمؤاخذه من قدام.. مشفتش واحد بيخون إلا بيتخان، ولا متخان إلا عشان خان.
وإنت بقى مين؟.. انت اللي بيخون ولا اللى بيتخان؟.. ولا ربنا نجاك ولسه فيك بواقي إنسان؟
توته مش توته ولا خلصت الحدوته.. ميعادنا بُكره هنا فى العربخانه.. بس مش في نفس الميعاد.. عشان أنا عشوائى ومليش كلمه.. فعيب عليك كقارئ محترم.. تاخد على كلام فار
kabuli rice
Valentine Flowers
[…] الحلقة الأولى من فار المدينة […]
[…] الحلقة الأولى من فار المدينة […]
[…] الحلقة الأولى من فار المدينة […]
[…] الحلقة الأولى من فار المدينة […]
[…] الحلقة الأولى من فار المدينة […]
[…] الحلقة الأولى من فار المدينة […]
[…] الحلقة الأولى من فار المدينة […]