الحلقة الرابعة من سلسلة فار المدينة، للكاتب اسلام علام، ورسم فنان الكاريكتير أسامة.
فار المدينة: سلة إلكترونية ومناخير ذكية
الحلقة الرابعة من سلسلة فار المدينة للكاتب اسلام علام | ضحك وكوميديا وحاجات مسلية وحاجات بتضحك وحاجات حلوة اتفرج عليها وحاجات كوميك | اى حاجه كوميك
سبت الكيس بعد ما نفسي اتسدت، فكل زبالة الشارع زي بعضها، ما هو معظم سكانه شبه بعض، لا فلوس ولا صحة، فلازم يكونوا زي بعض في كل حاجة ولأي حاجة.
جريت من الشارع كله، ومع أول يمين لقيت حتة مبنى إنما إيه فخامه يا جدعان، كله قزاز في قزاز، بيقولوا قال إيه بتاع واحد من رجال الأموال، من اللي حاطين شال فوق شال، وعاملين اللي متعملش لا في بلاد بره ولا بلاد جوه.. الفلوس تعمل أكتر من هيك، قال إيه “سلة قمامه وسلة مهملات”.
روحت جري قولت أشوف زبالة “ولاد الناس” لقيتها يابا فخميه، حاجه كدا ولا في الأحلام، قال إيه سله إلكترونيه، وكمان حتى من غير تاتش بتفتح لوحدها لمؤاخذه، فعندها مناخير ذكيه بالاستشعار عن بعد، أول ما تشم ريحة الزباله أو الإنسان، وكمان بتغير الكيس ورا الكيس أتوماتيكي أتوماتيكي
كل اللي عليك تقف وتغنيلها “يا سله يا حلوه يا مقطقه.. يا شايله الأكياس ومزقططه.. افتحي خدي الزباله قوام.. يا من ورا يا من قدام”.
وتوته مش توته ولا خلصت الحدوته.. ميعادنا بكره هنا في العربخانه.. بس مش في نفس الميعاد، عشان أنا عشوائي ومليش كلمه.. فعيب عليك كقارئ محترم تاخد على كلام فار.
الحلقات السابقة من فار المدينة
[wpforms id=”2182″ title=”true” description=”true”]
4 thoughts on “فار المدينة الحلقة الرابعة”